OS ALUMN@S DE INFANTIL 4 ANOS

miércoles, 21 de diciembre de 2011

FELICES FESTAS A TODOS!!

OS PEKES DE ESTEIRO QUEREMOS DESEXARVOS UN BO NADAL E UN FELIZ ANO NOVO A TODOS!!






ATA O LUNS 9 DE XANEIRO ESTAREMOS DE VACACIÓNS!

CARTA AOS REIS MAGOS

Os pekes de Esteiro xa lle escribimos as nosas cartas aos Reis Magos.
Só lles pedimos dúas cousiñas, porque sabemos que teñen que levar agasallos para todos os nenos de España. Unha desas cousiñas foi un libro, xa que ese é un dos mellores regalos que podemos recibir estas festas!


martes, 20 de diciembre de 2011

MERCADIÑO SOLIDARIO

Coma tódolos anos, o alumnado do CEIP Ricardo Tobío participou no mercadiño solidario de Nadal para recaudar fondos para Bolivia.
Sen embargo, este ano, ademáis de que unha representación do alumnado fose vender á Muros, tamén no cole todos vendemos obxectos elaborados por nos mesmos: coleteiros, pulseiras, colares, marcapáxinas, móbiles, cadros...
Os de pekes da nosa aula colaboramos elaborando uns coleteiros e unhas pulseiras. Tamén estivemos vendendo e recaudamos moitos cartos!!
Moitas grazas ás familias por vir a mercar e colaborar con unha causa tan solidaria coma esta!



CUMPREANOS DO PRIMEIRO TRIMESTRE

Neste primeiro trimestre estiveron de cumple Marcos, Aroa, Raquel e Xiara, que xa teñen cinco anos. Para celebralo realizamos un taller de cociña no que preparamos unha torta moi divertida e uns roliños de xamón e queixo. Aquí van as fotos!




martes, 6 de diciembre de 2011

PEQUENO AZUL E PEQUENO AMARELO

A semana pasada inciamos nos recreos as sesións de contacontos na biblioteca. Os pekes de infantil e do primeiro ciclo de primaria disfrutamos da historia de "Pequeno azul e pequeno amarelo" contada polas mestras Raquel e Elena. Podedes ver as fotos no blog da biblioteca.
http://bibliotecamestreagrelo.wordpress.com/

miércoles, 30 de noviembre de 2011

XOGUETES ESQUECIDOS

fai un par de semanas estivemos no IES As Insuas, de Muros, visitando unha exposición de xoguetes tradicionales elaborados polo alumnado do centro. Alí puidemos ver e enredar con xoguetes coma os que tiñan os nosos pais, nais, avós e avoas cando eran pequenos: buxainas, andacamiños, viraventos,... case todos elaborados con elementos naturais: paus, madeira, fíos, papel, tea... Despois de ver a exposición invitáronnos a unha merendola con bocatas, zumes, patacas frixidas, ... Gustáronnos moito os xoguetes e estaba todo moi rico! Deixamos unhas fotos da visita.



viernes, 11 de noviembre de 2011

CELEBRANDO O MAGOSTO E O DÍA DO TROMPO

Di o refrán: "Polo San Martiño, trompos ao camiño" E así o fixemos no Ceip Ricardo Tobío. O día 11 de Novembro celebramos o día do trompo, pero tamén o MAgosto. Despois do recreo saímos todos ao patio cuberto. Por ciclos fomos ao medio da pista para tirar os nosos trompos. Algúns familiares tamén se animaron a facelos bailar. Logo cantamos e bailamos a canción "Coma o trompo". Tras isto, o alumnado do centro que vai a clases de baile galego fíxonos unha demostración do ben que baila. Por último comemos castañas asadas que estaban riquísimas!












Coincidindo con esta celebración do día do trompo, no corredor do cole fixemos unha exposición con trompos de diferentes formas, tamaños, cores... Os nenos e nenas de infantil colaboramos elaborando unhas caramiñolas de papel coa profe Elena e uns trompos de serpentina con Raquel. Deunos bastante traballo facelos pero quedaron moi chulos e bailan moi ben.



EXPOSICIÓN


BESBELLOS DE CARTÓN (4 ANOS) PIRINOLAS DE PASTA (3 ANOS)


CARAMIÑOLAS DE PAPEL E TROMPOS DE SERPENTINA (5ANOS)

OLLADE QUE BEN BAILAN OS TROMPOS QUE FIXEMOS!!


miércoles, 2 de noviembre de 2011

PASÁMOLO DE MEDO!!

Durante a semana do 24 ao 28 de Outubro celebramos no cole as IV Xornadas "Pasámolo de Medo", coincidindo coa celebración do Samaín.
O longo desa semana na clase realizamos moitas actividades relacionadas coa emoción do medo. Lemos contos, cantamos cancións, falamos daquelas cousas que nos producen ese sentimento... Pero ademáis asistimos a unha obra de monicreques titulada "Chincha Rabincha", realizamos un taller de cociña terrorífica, disfrazámonos de persoaxes monstruosos, coa axuda das familias elaboramos unhas cabazas chulísimas... Por aquí deixamos algunha foto de todas esas actividades.

UNHAS CABAZAS MOI TERRORÍFICAS, AÍNDA QUE ALGUNHA... ERA UN POUQUIÑO PRESUMIDA




UN TALLER DE COCIÑA TERRORÍFICO: CON TORTA DE CABAZA, BRUXAS, MONSTROS, TUMBAS E SANGUE DE MORCEGO!!




DISFRAZADOS DE BRUXAS, ESQUELETES, VAMPIROS, MORCEGOS...AÍNDA ASÍ, SEGUIMOS ESTANDO GUAPÍSIMOS!




No blog da biblioteca do cole podedes ver tamén fotos de máis actividades: lectura de lendas e contos no recreo, representacións teatrais, inauguración e clausura das xornadas... Aquí tedes o enlace:
http://bibliotecamestreagrelo.wordpress.com/

sábado, 15 de octubre de 2011

AÍNDA QUE NON O PAREZA... ESTAMOS NO OUTONO

É o que di o calendario, o outono xa chegou, aínda que a nos parécenos que seguimos estando no verán, de feito algún dos pekes de esteiro incluso foi á praia estes días. E é que as temperaturas deste outubro son tan altas como as dos meses de xullo ou agosto. Aínda así olleando polo patio atopamos indicios de que é certo, ¡estamos no outono! as árbores comezan a perder as follas, os ourizos caen dos castiñeiros, nacen cogumelos...
Aquí vos deixamos as fotos dunha saída ao patio na que observamos todos estes cambios e recollemos follas de cores, tamaños e formas moi diferentes.






Tras a saída ao patio intentamos describir as sensacións que nos produce esta estación. Os pekes din que o outono é de cor marrón, amarelo ou incluso vermella, ule e sabe a castañas asadas, e soa como o aire que sopra para tirar as follas... E se eles o din... será así, non si?

Para festexar a chegada da estación celbramos unha festa para degustar froitos típicos destas datas: mandarinas, peras, uvas, mazás, castañas, noces, avelás, caquis, chirimoias,... Con algunhas delas fixemos brochetas. Todo estaba moi rico pero o que máis lles gustou aos pekes foron as castañas cocidas.





Unha actividade plástica moi divertida que fixemos relacionada co outono foi confeccionar os nosos propios bonecos de outno personalizados. Mirade que chulis!!



lunes, 10 de octubre de 2011

UN SUPERMERCADO NA AULA!




Por fin chegou o día!! Tras varias semanas de preparación, hoxe inauguramos na clase o noso supermercado. O "Supermercado Tamara". O nome decidímolo entre todos por votación.


Para poñelo a funcionar tivemos que traer da casa botes e caixas de productos que se poden mercar nun supermercado. Explicamos que eran, para que se usan, e logo clasificámolos. Descubrimos que no super pódense mercar productos para a alimentación, bebida, hixiene, limpeza...

Tamén traballamos cos catálogos para coñecer os prezos dos diferentes productos. Ademáis coñecemos algunhas moedas e billtes, xa que os temos que empregar para mercar.

Con nome decidido, cos productos nas estanterías (todos eles etiquetados con prezo) con caixa rexistradora e cestas xa o noso super estaba listo para abrir. Agora será un recanto máis da aula e nel aprenderemos moitas cousiñas relacionadas coas matemáticas: contaremos, sumaremos, restaremos, compararemos, estimaremos, pesaremos... e todo dunha maneira moi divertida!













UN NOVO CURSO

Un curso máis aquí estamos os pekes de Esteiro. Xa temos 5 anos (case todos) e somos os maiores de Infantil!!
Desta vez temos un compi menos, Xoán, que se foi a vivir a Nova York. Botámolo moito de menos, aínda que mantemos o contacto con el a través de Internet.
Na aula xa estamos a facer moitas cousiñas coas nosas mestras para seguir aprendendo un montón. Pouco a pouco elas irán subindo fotos e contando o que facemos aquí para que as familias estedes ben informadas. Polo momento comentámosvos que estamos levando a cabo un proxecto sobre o Supermercado, incluso creamos un na aula!. Desta maneira traballaremos as matemáticas dunha forma moi divertida!

Unha aperta a tod@s e esperamos que este curso visitedes moito o noso blog!

sábado, 2 de abril de 2011

COÑECEMOS A ABRAHAM CARREIRO

No pasado mes de Marzo tivemos a posiblidade de coñecer a un ilustrador de libros infatís. Abraham Carreiro. Estivo no noso cole e contounos un pouqiño en que consistía o seu traballo. Ademáis fíxonos unha demostración do ben que debuxaba. Deixounos varios debuxos para colorear entre todos e ademáis regalounos o debuxo dun gnomo para poñer no noso bosque!

TRANSPLANTAMOS FRESAS

Coa chegada da primavera, fixemos unha actividade para coñecer máis sobre a vida e o crecemento das plantas. Transplantamos unhas fresas!!. Vimos nelas as partes das plantas, a raíz, o talo, as follas..., medímolas, contamos as flores que tiñan, e falamos de que esas flores se ían convertir en fresas riquísimas.
Colocámolas na ventá e regámolas a miúdo, xa que sabemos que as plantas precisan de auga e de luz para vivir.
Esperamos que medren pronto e poidamos comer algunha fresa antes de que remate o curso!

domingo, 27 de marzo de 2011

ANIVERSARIOS DO SEGUNDO TRIMESTRE

Este xoves 24, tivemos unha festa para celebrar o aniversario dos nenos que cumprían anos neste segundo trimestre: Xián, Sofía, Lola, Javi e Iván. Realizamos un taller de cociña no que preparamos unha crema de froitas do bosque: con iogur, amorodos, arándanos e framboesas. Tamén elaboramos uns bocadiños de queixo e xamón. Estaba todo riquisimo!!

miércoles, 23 de marzo de 2011

SOMOS UN MÁIS NA CLASE!!

Hoxe recibimos un agasallo moi especial. Javi e a súa nai trouxéronnos unha mascota para a clase, un peixiño que entre todos debemos alimentar e coidar!
Fíxonos moitísima ilusión!! A partir de agora teremos que alimentalo todos os días, limparlle a peixeira a miúdo, e tratalo con moito cariño... coidando de non facer moito ruído na clase para que non se asuste.
Xa lle puxemos un nome. Había varias opcións: pecezuelo, pececito rojo, amiguito... O final o máis votado foi "Pececito Rojo" , así que este será o nome da nosa nova mascota!
Moitísimas grazas a Javi e a súa mamá Pepita!

lunes, 7 de marzo de 2011

GNOMOS E FADAS NA FESTA DE ENTROIDO

Este venres 4 de Marzo celebramos a festa do Entroido. Todo o alumnado foi vestido de algo relacionado co bosque, xa que esta é a temática dun proxecto que estamos a traballar no cole co motivo de que o 2011 é o Ano Internacional dos Bosques.
Así houbo árbores, animaliños, flores, leñadores, cazadores.. e seres fantásticos.
Os de infantil fomos de gnomos e fadas.
Todos xuntos participamos nunha representación e logo nun gran desfile! Rematamos con orellas filloas e demáis doces.

Moitas grazas ás familias pola súa colaboración, xa que nos axudaron moito coa confección dos disfraces: coas casacas dos gnomos e coas alas das fadas, que quedaron preciosas!