OS ALUMN@S DE INFANTIL 4 ANOS

sábado, 28 de diciembre de 2013

FESTA DO MILLO

Para rematar co proxecto do millo, nada mellor que unha festa con productos elaborados a partir do mesmo: millo doce, cereais, tortiñas, empanada de millo, broa, biscoito, palomitas, gusanitos, ... Así coñecemos a importancia do millo na nosa alimentación! Estaba todo riquísimo!!

PAN DE MILLO

Unha das actividades máis divertidas que fixemos no proxecto do millo foi a de elaborar broa. A fariña que trouxemos do muíño de Carnota peneirámola, para separar a máis fina (óleo) da máis gorda (relón), que se usa para alimentar os animais. Logo, o óleo amasámolo e fixemos uns boliños de pan de millo que se coceron no forno. Aquí van as fotos do proceso


martes, 19 de noviembre de 2013

UNHA MESA DE LUZ NA AULA


Durante o curso 2010/20011 tiven a oportunidade de visitar as escolas de Reggio Emilia, en Italia. Todo un referente para calquera mestra de Educación Infantil. Nestas escolas, o coidado dos ambientes e a educación artísitica é fundamental. A experiencia foi fantástica. Aprendín moitísimo e replanteeime moitas das actuacións que levamos a cabo diariamente na aula. A realidade de Reggio é moi distinta a nosa, e lóxicamente hai moitísimas cousas que non se poden trasladar ao noso contexto, pero tamén hai pequenas cousiñas que podemos ir cambiando. Unha das ideas que trouxen da viaxe foi a de contar con unha mesa de luz na aula. Alí, en case todas as clases teñen unha e o alumnado fai unhas composicións fantásticas experimentando con diferentes materiais. Este curso, grazas a Alfonso, (o meu primo, que é un manitas) temos unha mesa de luz na aula. Hoxe estrenámola debuxando con area! Foi fantástico


 

lunes, 18 de noviembre de 2013

EXCURSIÓN A CARNOTA

Na aula, os pekes de Esteiro, estamos realizando un proxecto sobre o millo. A semana pasada, como parte do mesmo, fixemos unha saída a Carnota para visitar o hórreo e un muíño de río. Descubrimos que, a pesar que o hórreo de Carnota é longuísimo, non é o máis grande do mundo. O máis longo está en Araño, Rianxo, pero non ten pés. O segundo máis longo está en Lira, pero atópase en peor estado de conservación. O hórreo de Carnota é, por tanto, o terceiro hórreo máis grande de Galicia e do mundo. Contamos as súas patas. Ten 44. O muíño que fomos visitar está no lugar de Canedo. Atópase restaurado e alí van a moer os veciños o millo para darlle aos animais e facer empanadas e pan de millo. Vimos como a auga do rio chegaba ata el e movía o rodicio que pon o muíño a funcionar. Levamos un saquiño de millo para moer e trouxemos fariña para facer broa. Velaquí as fotos da excursión!

ESPIGAS DE MILLO

Estes pekes teñen unhas familias fantásticas! Moi colaboradoras, participativas e creativas!! Ollade que bonecos de millo tan orixinais fixeron a partir do proxecto que estamos a levar a cabo na aula! Moooitas grazas!!!!!

COCIÑA TERRORÍFICA

Un ano máis, coincidindo coas Xornadas "Pasámolo de medo" realizamos un taller de cociña terrorífico. Desta vez o menú constou de sopa de vermes, momias, pantasmas e cabazas. Velaquí as fotos da elaboración dos pratos e da súa degustación!

miércoles, 30 de octubre de 2013

PERSONAXES TERRORÍFICOS

Hoxe, mércores 30 de Outubro, celebramos no cole un acto para inaugurar as VI Xornadas "Pasámolo de medo". Nel recitamos o noso conxuro, vimos a representación dun poema de Francisco Añón "El borracho y el eco", a cargo do alumnado de 6º e visionamos a película Frankenweenie. Para este acto viñemos disfrazados de personaxes terroríficos: zombies, bruxas, esqueletes,... Metiamos moito medo, pero estabamos guapísimos!!

CABAZAS PARA O SAMAÍN

Un ano máis, coincidindo coa celebración do Samaín, no cole celebramos as VI Xornadas "Pasámolo de medo". Unha das actividades destas xornadas,que nos encantan, é a de confeccionar unha cabaza na casa coa axuda da nosa familia. Mirade que chulas!!

UN ESPANTALLO PARA A NOSA HORTA

A partir dun conto popular sobre o espantallo, cofeccionamos un para a nosa horta. Ao igual ca o da historia, o noso espantallo tamén ten unha cabeza de cabaza, ollos de millo, nariz de cenoria, boca de grans de trigo e un corazón de pera. O seu corpo fixemolo con herba seca, e vestimolo con unhas roupas vellas. Aquí vos mostramos unhas fotos da actividade.

viernes, 25 de octubre de 2013

SEMENTANDO NA NOSA HORTA

Esta semana,coincidindo con que a lúa está a minguar, empezamos a sementar na nosa horta cultivos de outono/inverno. Para iso recibimos a vista de toda unha experta: Nolita, a nai da mestra. Ela explicounos todo o proceso e axudounos a sementar ceboliño, leituga, perexil e acelgas. Ademais das sementes tamén nos trouxo esterco. Dixonos que era moi importante alimentar con el a terra para que os cultivos crecesen máis. Velaquí algunhas fotos!

UNHA HORTA NA ESCOLA

Este curso decidimos preparar a horta da escola para plantar diferentes cultivos. Desta maneira aprenderemos moitas cousas sobre as plantas, os seus coidados, o proceso de crecemento... Para iso precisamos da colaboración das familias. O tío de Samu veu co tractor a preparar a terra, e logo viñeron a sachar as mamás de Pablo, Iván, Ainhoa, Samuel e a mamá e a tía de Aarón. Agradecemos moitísimo a súa implicación e colaboración!! Grazas a súa axuda poderemos sementar diferentes productos. Comezaremos con cultivos de outono, tales como o ceboliño, as nabizas, repolo, perexil,...

jueves, 24 de octubre de 2013

RECICLAMOS PAPEL

Dentro do proxecto que estamos a levar a cabo sobre reciclaxe, unha das actividades máis destacada foi a de elaborar papel reciclado. Recollemos papeis usados polo colexio, rachámolos, mesturámolos con auga, batémolos coa batedora... A masa resultante xuntamola con máis auga e logo empregamos os tamices para coller a pasta e filtrar o líquido. Absorvemos a auga con baetas e deixamos a secar sobre papel de xornal. Así de facil fabricamos o noso propio papel. Aquí podedes ver o proceso.

viernes, 18 de octubre de 2013

REDUCIR REUTILIZAR E RECICLAR NO CEIP RICARDO TOBÍO

Estes días tivemos na nosa aula a Rosa, unha nova mestra que estivo facendo prácticas. Con ela aprendemos moito sobre o coidado do medio ambiente e as "Tres R": REDUCIR, REUTILIZAR E RECICLAR. Velaquí un video que fala sobre a importancia de todo isto e que fixemos coa súa colaboración! Tomade nota do que nel se di!!

CÍRCULOS DO OUTONO

Empregando a técinca do centrifugado realizamos uns círculos moi sorprendentes coas cores do outono. Encantounos descubrir esta técnica tan divertida!! Ademáis, cos círculos fixemos un precioso móbil que que colga no noso pasillo! Gústavos??

SOMBREIROS CONTACONTOS

Durante os primeiros días de escola, os pekes de catro anos descubrimos na biblioteca do cole un tesouro moi especial... un baúl cheíño de libros e un sombreiro contacontos. Cando a mestra nos conta un conto sempre emprega ese sombreiro. É moi especial! A nos gustounos tanto que decidimos crear o noso propio sombreiro contacontos empregando diferentes materiais: plumas, pompóns, purpurina,... Mirade que chulis nos quedaron!!!

OLA DE NOVO!!

Despois de todo un curso sen facer ningunha entrada no blog decidín retomalo para compartir, principalmente coas familias, as expereiencias que estamos a realizar na aula de catro anos do CEIP Ricardo Tobío. Desta maneira poderedes estar máis informados de todo o que fan os vosos pekes no cole. Espero poder actualizalo a miúdo! Saúdos!! Raquel